اسلام اور خواتین طلاق

 

صدیوں سے کھانوں میں استعمال ہونے والی کالی مرچ (Black pepper) نہ صرف کھانے کا ذائقہ دوبالا کرتی ہے بلکہ ہمارے جسم میں جاکر ہمیں کئی اقسام کی بیماریوں اور نقصان دہ جراثیم سے محفوظ رکھتی ہے۔ کالی مرچ کو قبل از مسیح میں بطور دوا استعمال کیا جاتا تھا۔ آئیں اس کے بے شمار فوائد پر ایک نظر ڈالتے ہیں:

نزلہ و زکام اور کھانسی میں آرام

چین میں نزلہ و زکام کے سد باب کیلئے کالی مرچ ہزاروں سال سے استعمال ہو رہی ہے۔ اگر آپ اسے شہد میں ملا کر استعمال کریں تو یہ کھانسی کو بھی دور کرتی ہے۔ کالی مرچ بلغم کو حرکت میں لانے جبکہ شہد کھانسی سے آرام دلانے کیلئےسود مند ہے۔ اس کے علاوہ کالی مرچ سانس کی علامات کو بھی آرام پہنچاسکتی ہے۔

دمہ کے مریضوں کے ساتھ کی گئی ایک تحقیق سے نتیجہ اخذ کیا گیا کہ دمہ کے جن مریضوں کو کالی مرچ استعمال کروائی گئی، ان کی حالت بہتر ہونا شروع ہوگئی۔ کالی مرچ سانس کی نالیوں کی صفائی کرتی اور سانس لینے کے عمل کو آسان بناتی ہے۔

انفیکشنز کے خلاف مزاحمت

انفیکشنز کے خلاف مزاحمت میں کالی مرچ کی اینٹی بیکٹیریل خصوصیات اپنا کردار ادا کرتی ہیں۔ ساؤتھ افریقہ میں کی گئی ایک تحقیق کے مطابق کالی مرچ میں موجود Piperine میں لاروا کش ( پیٹ کے کیڑے پیدا ہونے سے پہلے لاروا بننے کا عمل) خصوصیات ہوتی ہیں، جس سے پیٹ میں انفیکشن ہونے یا بیماریاں پھیلنے کے خلاف مدد ملتی ہے۔

نظام ہاضمہ میں بہتری

تحقیق سے پتہ چلا ہے کہ کالی مرچ ہاضمہ میں معاون پینکریاٹک انزائمزپر مثبت اثرڈالتی ہے، جس سے تمام تر ہاضمے کا عمل بہتر ہوجاتاہے، اسی لیے کالی مرچ کا خوراک میں زیادہ استعمال معدے کیلئے بہت فائدہ مند ہوتاہے۔ یہ قبض اور گیس کی شکایت کوبھی ختم کرنے میں مدد دیتی ہے اور جسم میں ہونے والے درد کو رفع کرتی ہے ۔

کینسر کے بچاؤ میں مدد گار

مطالعوں سے ثابت ہوا ہے کہ کالی مرچ میںموجود Piperine کینسر کی کئی اقسام کے خلاف حفاظتی سرگرمیاں انجام دیتا ہے۔ پیپرائن دیگر غذائی اجزا جیسے کہ سیلینیم، کرکیومین، بیٹا کروٹین اور وٹامن بی کو آنتوں میں جذب کرنے کے عمل کو تیز کرتاہے۔یہ اجزا صحت کو برقرار رکھنےاور کینسر سے تحفظ میں مدد دیتے ہیں۔

کینیڈا میں کی جانے والی ایک تحقیق کے مطابق کینسر کےبچاؤ میں کالی مرچ میں موجود Piperine بہت کام آتاہے۔ یہ آنت پر پڑنے والے دباؤ کو کم کرتا اور Colon Cancer سے بچاتاہے۔

دانتوں اور مسوڑوں کی صحت

کالی مرچ اپنے اہم جزو Piperine کی Anti Bacterial خصوصیات کی وجہ سے دانتوں کے درد اور منہ میں ہونے والے انفیکشن سے محفوظ رہنے میں معاونت کرتی ہے۔ اس کی اینٹی انفلیمیٹری خصوصیات مسوڑوں کو جلن اور سوزش سے محفوظ رکھتی ہیں۔ کالی مرچ کو نمک اور پانی

میں ملاکر مسوڑوں پر ملنے سے بھی افاقہ ہوتا ہے۔